Eitt ferðamannaskip úr Niðurlondum, sum kallast Zuiderdam, noyddist mánadagin at biðja um hjálp, tá eitt ferðafólk umborð í skipinum fekk brúk fyri læknahjálp.
Skipið var tá statt í Prins Kristianssundi í Grønlandi - ella innanfyri Kappan. Tyrla av sjóverjuskipinum, Vædderen, kom eftir ferðafólkinum, sum varð flutt á sjúkrahús í Qaqortoq.
Sambært Arktisk Kommando var hetta fjórðu ferð í ein mánaða, at neyðugt hevur verið at farið út á ferðamannaskip eftir ferðafólki, sum fingu trupulleikar við heilsuni.
Sermitsiaq veit at siga, at tá boð vóru eftir hjálp um 12-tíðina henda dagin, var Vædderen, sum var nærmastur skipinum, var staddur 120 fjórðingar frá Zuiderdam.
Neyðugt var hjá Vædderen at sigla móti Qaqortoq og út úr tokuni, sum var á leiðini, áðrenn Seahawk-tyrlan kundi fara av skipinum og móti niðurlendska ferðamannaskipinum.
Tað upplýsir samskiftisleiðarin hjá Arktisk Kommando, Camilla Schouw Broholm. Hon sigur, at tyrlan hevði lækna við sær út á skipið, og ferðafólkið varð flutt á sjúkrahús í Qaqortoq.
Camilla Schouw Broholm sigur, at átakið tilsamans tók umleið fýra tímar, til tyrlan varð aftur á dekkinum á Vædderen.
##med2##
- Hetta er fjórðu ferð í ein mánað, at Arktisk Kommando flytir ferðafólk av ferðamannaskipum í grønlendskum sjógvi, tí mett hevur verið, at ferðafólkini eiga at koma undir læknahond, sigur samskiftisleiðarin.
Meira um hetta kann lesast á heimasíðuni - www.sermitsiaq.ag
