Ein ógvusligur jarðskjálvti við eini megi upp á 7,6 er skrásettur í Kyrrahavinum út fyri landspartin La Placita de Morelos í Mexico.
Vandi er fyri eini flóðaldu, upplýsir amerikanska flóðaldu ávaringarskipanin sambært tíðindastovuni Reuters.
Í USA sigur USGS, at skjálvtin hevði eina megi upp á 7,6, meðan jarðfrøðingar í Mexico tosa um eina megi upp á 7,4.
Bygningar ristu undir skjálvtanum í Mexico City.
Miðdepilin í skjálvtanum var 41 kilometrar í ein landnyrðing úr La Placita de Morelos á kyrrahavsstrondini í Mexico, skrivar tíðindastovan AFP.
Skjálvtin var á ársdegnum fyri tveir aðrar skjálvtar í landsins søgu – í 1985 og í 2017.
Flóðaldu ávaringarskipanin ávarar um, at vandi er fyri flóðaldu nærindis Michoacán-strondini.
/ritzau/Reuters