So skipaða loysingin merkir í veruleikanum, at danir skulu fíggja okkara loysing og at heildarveitingin til Føroyar sambært hesum verður størri enn hon er í dag. Hetta er tann skipaða loysingin. Eg má bara spyrja, er hetta ein virðiligur háttur at taka ræðið yvir egnum landi?
Nei, skulu vit hava sjálvstýri, so er Sjálvstýrislógin tann einasta, ið kann nýtast, tá ið valstríðið er av, hon fer nevniliga at fyrisita, hvussu vit koma fram at loysingini. Vit halda fast við, at loysingin er treytað av búskaparligum frælsi ? so loysingin ikki rakar vælferðina hjá vanliga fólkinum.
Skulu vit veruliga fáa loysing, tá ið meirilutin av fólkinum ynskir tað, so má gerast ein ítøkilig ætlan fyri eina niðurtrapping av blokkinum, samstundis sum miðvíst verður farið undir at menna og fjøltáttað okkara búskap, so vit á tann hátt kunnu fáa veruligt frælsi ? búskaparligt frælsi.
Vel tí ein politikk, ið er nýtiligur, eisini aftan á valdagin ? vel Javnaðarflokkin.
Eyðgunn Samuelsen,
valevni Javnaðar-
floksins í Norðoyum
