Petur Skeel, veðurfrøðingur á Miðlahúsinum, boðar frá hampiligum veðri komandi dagarnar. Eitt lítið lot verður, yvirhøvur turt, og hitin millum trý og sjey stig.
Mikudagin verður gul til stívt andøvsgul av suðri, yvirhøvur turt og sólglottar. Hitin millum trý og seks stig.
Hósdagin stívt andøvsgul upp í hvassan vind av suðri og úsynningi og regn av og á. Hitin millum fýra og sjey stig.
Fríggjadagin verður gul til stívt andøvsgul av útsynningi og yvirhøvur turt, men seinnapartin veksur hann vindin upp í hvassan vind av vestri og ælingur, partvís heglingur. Hitin millum eitt og fýra stig.
Leygardagin verður upp í ein strúk av útnyrðingi og yvirhøvur turt, men sunnudagin hvassur vindur upp í skrið av útsynningi og regn. Hitin millu trý og sjey stig.
