Ein maður er deyður, eftir at hann skeyt seg sjálvan uttan fyri Hvítu Húsini í Washington.
Tað upplýsir løgreglan í District of Columbia á Twitter.
Løgreglan er nú í ferð við at kunna tey avvarðandi.
Fyrr um dagin skrivaði trygdartænastan Secret Service á Twitter, at ein maður eftir øllum at døma hevði beint fyri sær.
Skottilburðurin fór fram við stikið norðan fyri Hvítu Húsini.
Eftir øllum at døma hevði eingin annar fingið skaða av hendingini, skrivaði Secret Servic, sum hevur ábyrgdina av trydini hjá forsetanum.
Fyrstuhjálparar komu skjótt á staðið at kanna særda mannin.
Skottilburðurin merkti millum annað, at ferðslan kring Hvítu Húsini var ávirkað.
Tey fjølmiðlafólk, sum vóru í fjølmiðlarúminum í Hvítu Húsunum, fingu boð um at leita sær trygd í kjallaranum, skrivar sjónvarpsstøðin CBS News á heimasíðuni.
Donal Trump, forseti, var ikki í Hvítu Húsunum. Hann er í Florida, men skuldi eftir ætlan koma aftur til Washington seinni um dagin.
Trump er kunnaður um støðuna, upplýsir kunningartænastan í Hvítu Húsunum.
/ritzau/AP
