Amerikanskir fjølmiðlar siga nú, at tað var tann 24 ára gamli Ryan Lanza (myndin), sum skeyt næstan 30 fólk í einum skúla í amerikanska statinum Connecticut í dag.
CNN sigur, at drápsmaðurin var í skottryggum vesti og svørtum klæðum, tá hann fór inn í Sandy Hook Elementary School. Hann er millum teirra, sum hava latið lív, men tað er ikki greitt, um hann skeyt seg sjálvan, ella um løgreglan skeyt hann.
Reuters skrivar, at Ryan Lanza skeyt pápa sín í morgun, og tá hann kom skúlan, skeyt hann mammu sína, sum var lærari har. Sum skilst eru fleiri av næmingum hennara millum teirra, sum hann skeyt.
