Tað hevur leingi verið greitt, at tað vera Skála og NSÍ sum flyta upp úr 1. deild og vera partur av Betrideildini komandi ár.
Í dag bleiv greitt hvør av teimum vinnur 1. deild.
Skála er nú staðfestur vinnari av 1. deild.
Skála vann stórsigur 5-0 á EB/Streymi í Hólmanum á Eiði. Í steðginum var Skála á odda 1-0.
Carlos Felipe De Sousa Ferreira skoraði hattrick fyri Skála, meðan Meinhard Janusarson skoraði tvey mál.
Við Løkin í Runavík var NSÍ fyri einum óvæntaðum 0-2 tapi móti FC Hoyvík.
Sverri Hansson legði FC Hoyvík á odda tá 25 minuttir vóru farnir. Stutt undan dystarloki staðfesti Abednego Tetteh sigurin.
Nú tvey umfør eru eftir hevur Skála á fyrsta plássinum 64 stig. NSÍ hevur hevur á øðrum plássinum 57 stig, og kann í mesta lagi røkka 63 stigum.
Sostatt er Skála staðfestur vinnari av 1. deild hjá monnum 2023.
