Hesar stevnur hava eydnast sera væl, og rættiliga nógv fólk hevur leitað sær til hesar stevnur, hóast - ella kanska júst tí at!- tær hava verið á útoyggj.
Aftur í ár er ætlanin at hava eina slíka stevnu. Hon verður hildin í Skúgvi leygardagin 15. juli.
Í hesum sambandi ætla fyrireikararnir at geva út ein bókling í A5-stødd, har ein í fyrsta lagi fer at prenta skránna fyri stevnuna. Hinvegin er ætlanin somuleiðis at hava annað tilfar um vertsoynna við í bóklinginum. Ætlanin er at bóklingurin skal prentast í eini 500 eintøkum.
