Skálaberg, sum hevur verið á kongafiskaveiðu, kemur á Klaksvík seint í kvøld.
Skálaberg byrjaði túr 14. august, tað fyrstu vikuna var Skálaberg á royndarveiðu eftir kongafiski, tá vóru 3 fólk frá Fiskirannsóknarstovuni og ein maður frá Vónini við.
27. august byrjaðu teir at fiska norðanfyri Jan Mayn, fiskiskapurin hevur verið hampuligur, teir hava góð 300 tons av skráskornum kongafiski.
Tað hava verið 27 mans við Skálaberg hendan túrin.
