Skála er klárt til hálvfinaluna í kappingini um Løgmanssteypið. Hetta gjørdist greitt í dag, eftir at liðið vann á KÍ. Hetta var tó ikki heilt uttan stríð, at Skála spældi sín sætta dyst á rað uttan at tapa. Vanliga leiktíðin hevði einki mál at bjóða uppá, og tá ið longda leiktíðin eiheldur innihelt nakað mál, varð farið undir brotssparkskapping. Her var Skála neyvara liðið, tó at heili seks brotsspørk skuldu til, áðrenn Skála fekk sigurin í hús. 16 ára gamli Hans Jørgensen í Skála-málinum tók sætta brotssparkið hjá KÍ, sum tann 18 ár eldri Jan Andreasen varð settur at skjóta.
Skála hevur hervið leikt seg í hálvfinaluna í kappingini um Løgmanssteypið, sum verða leiktar í tveimum umførum, tað fyrra 13. juni og tað seinna 11. juli.
