Aftaná góðu byrjanina uppá kappingina eru Sjúrður Olsen, Teis Horn Rasmussen og liðfelagarnir í Tønder fyribils steðgaðir upp við tveimum teprum tapum á rað í næstbestu donsku hondbóltsdeildini.
Í kvøld tapti Tønder á heimavølli fyri Grindsted. Máltalvan vísti 32-30 til útiliðið, men staðfestast má, at Tønder spældi ein fínan seinna hálvleik.
Í steðginum var Grindsted á odda heili 20-11. Tá 44 minuttir vóru farnir var Grindsted á odda 23-11, men so framdi Tønder ein rimman endaspurt. Tá tríggir minuttir vóru eftir var Grindsted á odda 32-27, og seinastu løtuna minkaði Tønder til 32-30, men so var tíðin farin.
Sjúrður Olsen og Teis Horn Rasmussen skutu tvey mál í part fyri Tønder í kvøld.
Tønder hevur fimm stig fyri fimm dystir, og liggur á einum sætta plássi í næstbestu donsku hondbóltsdeildini.
Komandi fríggjakvøld verður føroyingauppgerð millum liðið hjá Brandi Halgirssyni, Ajax og Tønder.
