Manchester City og Everton eru óvæntað sligin út úr ensku Liga Cup steypakappingini, sum í ár hevur heitið Capital Cup.
Manchester City hevði vitjan av Aston Villa. Gestirnir vunnu 4-2 eftir longda leiktíð. Gabriel Agbonlahor skoraði tvey, meðan Charles NZogbia skoraði eitt. Tað fjórða var eitt sjálvmál frá fyrrverandi Aston Villa miðvallaranum Gareth Barry.
Eisini Everton fekk oyrini í maskinuna. Teir vóru á vitjan á Ellen Road har Championship liðið Leeds tók ímóti. Aiden White legði Leeds á odda tíðliga í dystinum. Tjúgu minuttir fyri tíð økti Rodolph Austin um leiðsluna áðrenn Sylvain Distin minkaði um munin endaligu støðuna 2-1.
Chelsea kom eisini víðari við knúsandi sigri á Wolverhampton, meðan Swansea og Michael Laudrup í evstu løtu knekkaðu Crawley Town.
Capital Cup 3. umfar:
Bradford Burton Albion 3-2
Chelsea Wolverhampton 6-0
Crawley Town Swansea City 2-3
Leeds Everton 2-1
Manchester City Aston Villa 2-4
Milton Keynes Dons Sunderland 0-2
Preston North End Middlesbrough 1-3
Southampton Sheffield Wednesday 2-0
Swindon Burnley 3-1
West Ham Wigan 1-4
