Umboð Javnaðarfloksins á Fólkatingi, Sjúrður Skaale, er í dag settur sum formaður í Føroyanevndini.
Tað hevur annars verið hin føroyingurin á Fólkatingi, Edmund Joensen, ið hevur sitið á tí sessinum seinastu árini.
Føroyanevndin viðgerð øll mál, ið hava við Føroyar at gera í danska Fólkatinginum. Harumframt er umboð Javnaðarfloksins vorðin limur í Norðurlandaráðnum og varðalimur í Udenrigspolitisk Nævn, ið er tann nevndin, sum danski uttanríkisráðharrin ráðførir seg við í øllum týdningarmiklum uttanríkispolitiskum málum.
Avtala er eisini gjørd millum Sjúrð Skaale og donsku Sosialdemokratarnar, sum tryggjar føroyska Javnaðarflokkinum á Fólkatingi atgongd til allar Fólkatingsins nevndir, tá føroysk mál eru á skránni, og samstundis tryggjar avtalan eisini møguleika fyri samrøðum við allar sosialdemokratisku ráðharrarnar og framsøgumennirnar eftur tørvi.
Eykaavtalan er soljóðandi:
»Socialdemokratiet og Javnaðarflokkurin indgår hermed aftale om, at Javnaðarflokkurins folketingsmedlem kan blive indsuppleret i udvalg eller nævn efter behov, når færøske forhold og sager av færøsk interesse er på dagsordenen.
Javnaðarflokkurins folketingsmedlem kan efter ønske få samtaler med Socialdemokratiets ordførere og ministre når Folketingets eller regeringen behandler sager, der er vedkommende for Færøerne«.
