Leygardagin vann Middelfart tryggan 3-0-sigur á Thisted í triðbestu donsku deildini, og ein føroyingur var ímillum málskjúttarnar.
Hanus Sørensen, sum herfyri flutti úr ungdómsdeildini í FC Midtjyllandi til Middelfart, skeyt nevniliga 3-0-málið.
20 ára gamli føroyingurin, sum er uppvaksin í HB, spældi á høgra bakki. Herfyri skeyt hann eisini mál í einum venjingardysti.
Middelfart liggur í løtuni á 7. plássi í 2. division bólki 1, og er tvey stig frá at plássinum, ið gevur uppflytingarspæl.
11 dystir eru eftir at spæla, og næsti dystur hjá Middelfart verður leygardagin á útivølli ímóti Næsby.
Málið hjá Hanusi Sørensen ímóti Thisted sæst í sjónbandinum niðanfyri. (tíð: umleið 3:18)
##med2##
