Sjálvstýrisflokkurin átalar ta viðfer, útlendingar búsitandi í føroyum fáa.
Innlendismálaráðið hevur sett eitt útgreiningararbeiði í verk fyri at gera greiðar reglur í samband við viðgerð av arbeiðs- og uppihaldsloyvum.
Fyrrverandi landsstýrismaðurin, ið hevði málsøki um hendi, gav lyfti um, at meðan útgreiningar- arbeiði fór fram, skuldi eingin umsókn um longt arbeiðs- og uppihaldsloyvi sum uppfylti treytirnar, sýtast.
Danir hava skrivliga boðað frá, at allar umsóknir verða viðgjørdar og avgreiddar samsvarandi tilmælinum frá Innlendismálaráðnum.
Nøkur teirra sum søkja um arbeiðs- og uppihaldsloyvi, hava búð her í áravís, eiga hús og heim, tosað málið, eru avhildin av bygdafólkinum og blivin ein virkin partur av føroyska samfelagnum.
Fleiri av hesum ganga vegna væntandi svar úr Innlendismálaráðnum í støðugum ótta fyri at løgreglan bankar á dyrnar og boðar frá, at nú skulu tey avstað.
Verandi mannagongd hoyrir ikki heima í einum framkomnum samfelag, og er als ikki í samsvar við føroyska siðvenju og mentan.
Landsnevnd Sjálvstýrisflokksins
Sámal Petur í Grund, form.
Starvsnevnd Sjálvstýrisfloksins
Jan Asbjørnson Joensen
Kári P. Højgaard, floksformaður
