Sjálvandi skulu danskarar betala

Tað kenna vit eisini úr okk­ara politisku skipan, har vit í meira enn hundrað ár hava brúkt danir til slíka skjót­i­skivu, tá tað gongur illa.

Síðsta stóra dømið var Eik Banki. Heldur enn at fok­usera upp á allar feil­ir­nar, vit sjálvi gera, so skeld­aðu og leikaðu vit í um Fin­ans­iel Stabilitet – danska banka­bjarg­ing­ar­syst­em­ið – heldur enn at hyggja inn­eftir, taka í egnan barm og spyrja, hvussu tað bar til, at føroysku eft­ir­lits­mynd­ug­leik­ar­nir góvu nøkrum fá­um per­són­um átta ár koyra meira enn 175 ára gamla Spari­kass­an á heysin við skil­a­loysi.

Nú um dag­ar­nar hevur av­­lurt­ing­­ar­­pakk­in hjá løg­manni verið til við­gerð­ar í ting­i­num.

Ikki fyrr enn fjølmiðlar fóru ­at grava í honum, eru pol­it­ik­arar farnir at ress­ast við, um hetta nú er so neyð­ugt, sum politiið og onnur vilja vera við.

Greitt er, at tað kostar nógv­ar pengar til teknikk at seta pakkan í gildi. Men tað hevur ikki so stóran týdn­ing fyri politikararnar, sum eru vanir at arbeiða við »ot­her people's money«. Tað skuldu telefeløgini sjálvi gjalda.

Men tú er tað heldur ikki so gott, tí tey eru farin at leika í.

Hvat er so til ráða at taka? Politikarar halda ikki, at tað er rímuligt at senda rokn­ingina til føroysku skatt­gjald­ar­ar­nar. Jú, sjálv­andi skulu dansk­­ar­ar­ar be­tala, danskir skatt­gjald­ar­ar!­ Pol­itiið er danskt – og vupsi, um dansk­ar­ar fáa rokn­ing­ina, so eru øll glað. Sjálvt tey, sum skulu yv­ir­taka og gjalda alt...

– Ein løg­in hug­burð­ur, má sig­ast...