Tá Tomislav kom til felagið, hevði Kecsméti ongan tíð verið partur av fremstu deildini. Felagið hevði tá fingið nýggjarar eigarar og nakað av peningi, og í Tomislav hildu tey seg hava funnið mannin, sum skuldi føra liðið móti nýggjum hæddum. – Og tað hevur hann gjørt, skrivar B36-heimasíðan.
Longu fyrsta árið vann liðið seg í bestu deildina, og við vanliga kompromisleysa stílinum, har álop er besta verjan, settu Tomislav og hansara menn seg alt fyri eitt í respekt í bestu deildini.
Her hevur liðið verið fastur partur, og nú er so eisini fyrsta stóra steypið komið til høldar. Hetta hendi mikudagin, tá Kecsméti spældi móti Videton, sum í ár hevur vunnið ungarska meistaraheitið og sum eisini er eitt av siðvandu ungarsku stórfeløgunum.
Á Puskás stadion í Budapest munaði siðvenjan tó lítið. Foxi Kéthévoama skeyt hat-trick í dystinum, sum endaði við 3-2 sigri, og tað úrslitið ber við sær, at Tomislav og Kecsméti nú skulu fyrireika seg til europiskar uppgávur í komandi kappingarári.
