BRIDGE
Tann evropiska simultankappingin varð spæld 26. og 28. november. Tilsamans 31 pør spældu við í Føroyum. Í Havn 12 pør, í Fuglafirði 9 pør og í Klaksvík 10 pør.
Úrslit
26. nov. í Tórshavn
(pørini yvir miðal ? miðal er 165)
1. Hans Jacob Petersen ? Arnbjørn Sivertsen 182
2. Jóannes Mouritsen ? Heðin Mouritsen 179
3. Ásla Weihe ? Hallgerð Hansen 178
4. Ásvør Djurhuus ? Ingibjørg Hansen 175
5. Høgni Jacobsen ? Finn Ougaard 172
6. Bogi Simonsen ? Rói á Rógvu Joensen 167
7. Hanus Bærentsen ? Eyðbjartur Danielsen 166
26. nov. í Fuglafirði
(pørini yvir miðal ? miðal er 108)
1. John Reid Skoralíð ? Sigmund Dam 127
2. Robert Langgaard ? Eyðun Anthoniussen 117
3. Haldor Ellingsgaard ? Ingolf Olsen 117
4. Dia Jacobsen ? Ólavur Ellingsgaard 116
5. Símin Lassaberg ? Marner Joensen 115
6. Dia Petersen ? Páll Hansen 114
28. nov. í Klaksvík
(pørini yvir miðal ? miðal er 108)
1. Randi Jacobsen ? Álvur Klakk 129
2. Carl Isaksen ? Jens Jacobsen 124
3. Poul Sigmund Sørensen ? Debes Christiansen 121
4. Hjørleif Frederiksen ? Jógvan Clementsen 119
5. Sámal Just Dahl ? Steinbjørn Jacobsen 112
6. Marita Krosstein ? Jórun Højsted 111
Spæl 29
N/allir
Norður
Sp 10985
Hj Q84
Rú AJ108
Kl K4
Vestur Eystur
Sp AJ42 Sp Q73
Hj A9762 Hj KJ53
Rú 9 Rú 76
Kl 1086 Kl AJ53
Suður
Sp K6
Hj 10
Rú KQ5432
Kl Q972
Leikararnir fingu eftir kappingina bókling við spølunum og viðmerkingum. Um spæl 29 skrivar Mark Horton nakað soleiðis:
»Enn eitt trupult spæl. Burtursæð frá teimum djørvu, sum opna við hondini hjá Eysturi, verður tað Suður, sum skal taka ta fyrstu avgerðina, antin at melda pass ella okkurt í rútara. Eitt pass frá Suðuri kann geva pass runt, og leikararnir fara undir næsta spæl. Men har ið Suður velur at opna, fær Vestur, sum hevur báðar majorlitirnar, hug at blanda seg uppí.
Kortini sita væl fyri Eystur og Vestur, og teir kunnu fáa heili 11 stikk í einari hjartarakontrakt. Tey EV pørini, sum melda útgang, fáa eitt gott úrslit.«
Við borðið, har Hans Jacob Petersen og Arnbjørn Sivertsen sótu EV og Ásla Weihe og Hallgerð Hansen NS, gekk meldið soleiðis:
V N E S
- pass pass 1rú
2kl* 2rú 4hj pass
pass D pass pass
pass
2kl vísir báðar majorlitirnar við longri hjartara, eitt slag av heimagjørdum Michaels Cuebid.
Hallgerð spældi rúK út og síðan kleyvara til kong og ess. Trumfur bleiv klíptur gjøgnum Norðan, og um Hans Jacob síðan hevði spælt spaðara til dreingin og tikið spA, hevði hann fingið ikki færri enn 11 stikk. Men hann var nøgdur við 10 stikk. Tá kontraktin var duplað, gav hetta EV 790 og ein góðan topp.
Eitt annað EV par í Bridgehúsinum, Jógvan Ranghamar og Carl Mikkelsen, meldaði og vann eisini 4hj, men teir vóru ikki duplaðir.
Tey, sum hava hug at síggja hvussu pørini hava staðið seg í Evropa, kunnu fara inn á heimasíðuna: www.eblsims.org
Jólakapping
Jólakappingin hjá FBS, sum skuldi vera 8. desember, er avlýst. Í staðin hevur Bridgedeild Kaggans einstaklingakapping í Bridgehúsinum 8. desember kl 14.00. Hetta er ein opin kapping, men fólk skulu melda seg til kappingina í seinasta lagi dagin fyri hjá Róa á Rógvu Joensen, tel 31 94 19.
