Óli Mortensen megnaði fyri løtu síðani at vinna sær silvurheiðursmerki á íslendsku meistarastevnuni á langgeil, tá ið hann í Laugardalslaug í Reykjavík svam 1500 metra frísvimjing uppá 16:08.20, skrivar svimjing.com í kvøld.
Harvið setti hann eisini nýtt føroyskt juniormet, har hitt gamla var hansara 16:09.16 frá Reykjavík International í januar.
Óli Mortensen er ungur svimjari, ið eins og tjóðarhetjan, Pál Joensen, trívist best á 1.500 metra teiginum.
Mynd: (Jón Bjarnason) Mynd frá NM í 2012
