Fríggjadagin 5. august klokkan 16 letur ein framsýning við verkum hjá Silju Strøm upp í Galerie Focus í Lambagerði 1 í Havn
Silja Strøm er 24 ára gomul og útbúgvin á The Glasgow School of Art. Hon hevur fingið sera gott ummæli frá listaskúlanum í Glasgow og sagt verður, at Silja Strøm er verd at halda eyga við.
- Verkini eru prent, tekningar og málningar. Silja setur saman figurar t. d. fólk, dýr og ting frá filmi, bókum, bløðum og so framvegis og gevur tí eitt annað úttrykk eina illusjón av einari forteljan og rørslu, siga tey úr Gallerie Focus.
Silja Strøm hevur eitt nú sýnt fram í Skotlandi, Eysturríki og ymsa staðni í Føroyum,
Framsýningin verður opin til 9. august, leygardagin klokkan 16 til 18, mánadagin og týsdagin klokkan 15 til 18
