Danmark
Fyri Óla Johannesen mundi tað tykjast sum eitt slag av nýggjari byrjan, tá hann endiliga slapp í dyst fyri nýggja felag sítt, Hvidovre.
Spenningurin var sjálvandi stórur, og tað eydnaðist eisini Óla og teimum at vinna dystin, sum var ímóti Birkerød, ið er annað av absoluttu botnliðunum í næstbestu donsku deildini.
Tað var tó ikki fyrr enn í 88. minutti, at tað eydnaðist Hvidovre at skjóta avgerandi málið. Málð skeyt Kaan Metin, og tá hetta varð tað einasta í dystinum, so var hetta altso nóg mikið til trý týdningarmikil stig.
Við sigrinum er Hvidovre á 10. plássinum í deildini. Komandi vikuskifti hevur liðið eina sera torføra uppgávu, tá teir á útivølli skulu hitta Esbjerg, og uppgávan gest helst ikki lættari av, at teir tá mugu klára seg uttan Óla Johannesen, sum er bundin av landsliðsuppgávum.
