Tað gekk misjavnt hjá føroyingaliðunum í bestu svensku hondbóltsdeildini í kvøld.
Rói Ellefsen á Skipagøtu og liðfelagarnir í Hallby vunnu á útivølli greiðan 37-29 sigur á Önnered. Tað lá serliga væl fyrri hjá Hallby, ið var á odda 21-10 í steðginum.
Rói skoraði seks mál og legði upp til trý mál, og gjørdist saman við Albin Broman og Hampus Söderman toppskjútti hjá Hallby
Hallby er nummar sjey í deildini við níggju stigum.
Sävehof uttan Óla Mittún, men við Ísak Vedelsbøl á liðnum var fyri 32-38 tapi móti Ystad á útivølli. Ystad var á odda 19-17 í steðginum.
Ísak skoraði tvey mál.
Sävehof er nummar trý í deildini við 10 stigum. Ystad er fremst í deildini við 14 stigum.
