Føroyingaliðini í bestu íslendsku kvinnudeildini í hondbólti spældu í dag fyrsta dystin í hesum árinum.
Á Hafnarfirði tóku Natasja Hammer og liðfelagarnir í Haukum móti Fram á heimavølli.
Fram vann ein sannførandi 28-18 sigur. Í steðginum var Fram á odda 14-7.
Natasja skoraði trý mál fyri Haukar.
Haukar eru nummar fimm í deildini við átta stigum.
Ingibjørg Olsen og hennara liðfelagar í ÍBV eru næstfremst í deildini við 16 stigum.
ÍBV vann í dag 32-29 á Vali á útivølli. Í steðginum var støðan javnleikur 15-15.
Ingibjørg var ikki millum málskjúttarnar hjá ÍBV.
Komandi leygardag klokkan 14 verður føroyingauppgerð úti í Heimey, tá ÍBV tekur móti Haukum.
