Loftmyndir hava framleitt hendan filmin, sum eisini hava framleitt aðrar filmar av slíkum slag, sum eru tiknir upp við fjarstýrdari dronu.
Sornfelli – fjallið, sum var ímyndin av kalda krígnum í Føroyum, er á Streymoynni og er 749 metrar høgt. Fjallið liggur 12 km úr Havnini í beinari linju, 20 km í bili.
Tað var í 1958 at løgtingið gav Nato loyvi at byggja hernaðarliga eftirlitsstøð á Sornfelli. Á sumri í 1963 – tá kalda kríggið var í hæddini – fór Nato at hava radareftirlit við skipaferðslu og flogferðslu í Norðuratlantshavi við radarunum á Sornfelli. Tætt knýtt at virkseminum ía Sornfelli var Natostøðin í Mjørkadali.
Radarin á Sornfelli varð sløktur 1. januar í 2007, og 15. november í 2010 steðgaði hernaðarliga samskiftisuppgávan á Sornfelli eisini, og gavst Nato við øllum virkseminum á Sornfelli.
