Steypavinnararnir úr Víkingi fingu eitt torført lutakast í steypakappingin. Sigfríður Clenentsen væntar eitt brak av einum dysti. Annars roknar hann við at tey stóru liðini vinna sínar dystir.
- Eg vænti ikki nógv óvæntað úrslit í 1. umfari. Tað plaga annars at koma nógv óvæntað úrslit í steypakappingini, men tað sær ikki soleiðis út í ár, sigur Sigfríður Clementsen, sum hevur roynt at vunnið bæði steypakappingina og landskappingina sum venjari.
Víkingur vann kappingina um Løgmanssteypið í fjør upp á brotssparkskapping móti EB/Streymi. Meðan Víkingur fær ein torføra uppgávu í Gundadali móti B36, so fær EB/Streymur tað valla torført móti vinnaranum av Giza/Hoyvík og MB.
- B36 fekk eina góða byrjan og burdi havt vunnið móti HB. Dysturin í Gundadali kann gerast eitt brak, sigur Sigfríður víðari.
Bæði í Runavík og á Argjum er uppgerðir millum lið í Effo-deildini. Her vætnar Sigfríður tó bara spenning í aðrari uppgerðin.
- Eg vænti at NSÍ vinnur á TB. Dysturin millum ÍF og AB í landskappingini var javnur og nú hevur AB heimavøll, so har er púra javnt, sigur Sigfríður Clementsen.
Lutakastið til 1. umfar til steypakappingina háttaði seg soleiðis:
1. Umfar(14. apríl):
FC Suðuroy Undrið/Royn
Giza/Hoyvík / MB EB/Streymur
B36 Víkingur
AB ÍF
NSÍ TB
Skála 07 Vestur
B68 KÍ
B71 - HB
