Sunnudagin spennir FM1 seg aftur út við drúgvari fótbóltssending, har sent verður millum klokkan 14 og 18.
Klokkan 14 skipar Petur Asbjørn Lervig fyri upptaktssending, ið verður send úr Sarpugerði í Norðragøtu. Við sær hevur Petur Asbjørn venjaran og fótbóltsviðmerkjaran, Svenn Ó. Olsen og gomlu Víkinga-kempuna, Hans Jørgen Djurhuus.
Klokkan 15 siga frásøgumennirnir hjá FM1, Tróndur Arge og Hilmar Jan Hansen frá dystunum millum Víking og B36 í Sarpurgerði í Norðragøtu, og dystinum millum NSÍ og AB við Løkin í Runavík. Fylgt verður við og kunnað verður um gongdina í hinum trimum dystunum, ið eru EB/Streymur-HB, KÍ-AB og Suðringar-Skála.
Aftaná klokkan 17 verður sendingin "Triði Hálvleikur". Millum teir sum prátað verður við eru: Eyðun Klakstein, venjari hjá Skála, Stefan Radosavljovic hjá Suðringum, Heðin Askham, venjari hjá EB/Streymi, Jóannes Bjartalíð hjá KÍ, Heðin Stenberg hjá AB, og eitt umboð fyri HB. Hilmar Jan Hansen og Tróndur Arge gera samrøður í Sarpugerði í Norðragøtu og við Løkin í Runavík.
In.fo hevur tekstfrásøgn frá øllum fimm dystunum. Samanumtøka, myndir og ljóðsamrøður koma út á in.fo tá dystirnir eru lidnir.
Øll kunnu lurta eftir FM1 á www.midlar.fo, og annars á FM 88,7, FM 91,7, FM 93,9, FM 95,5 og FM 98,7.
