Hetta komandi samdøgrið verður nógvur vindur av vestri og útsynningi um okkara leiðir. Í hvirlunum kann vindferðin koma heilt upp í 35 metrar um sekundið.
Eitt lágtrýst við nógvum vindi fer framvið Føroyum seinnapartin í dag, og hevur nógvan vind við sær.
Sambært heimasíðuni yr.no fer hann at minka vindin eitt lítið vet teir næstu tímarnar. Men so tørnar hann til aftur.
Um nátturðatíð verður vindferðin 23 metrar um sekundið og munandi meiri í hvirlunum, verður sagt.
Og soleiðis fer veðrið at halda sær tað næsta samdøgrið við nógvum vindi - millum 18 og 20 metrar um sekundið.
Seint í annaðkvøld minkar hann aftur vindin, og hósdagin verður hann høgur í ættini.
Eftir forsøgnini hjá yr.no verður skýggjað í nógvar dagar fram, bert við undantaki av leygarnáttini, tá hann klárar í.
