Rás2 spennir seg veruliga út við fótbóltsfrásagnunum hetta vikuskiftið. ì gjárakvøldið var sagt frá dystinum millum Skála og KÍ, og í dag verður sagt frá tveimum effodystum.
Sendingin byrjar longu klokkan 13 seinnapartin, tá sendingin SportBoxin verður endursend.
Klokkan 15 verður Hilmar Jan Hansen staddur á ovara vølli í Gundadali har hann fer at siga frá dystinum millum B36 og Víking. Klokkan 17 verður Tróndur Arge staddur í Sørvági. Tróndur Arge fer at siga frá dystinum millum 07 Vestur og HB, sum verður spældur á tí nýggja undirlagnum í Sørvági.
Í Rásarúminum fer Heri Simonsen at hava heimildarmenn til dystirnar, EB/Streymur-NSÍ, sum somuleiðis byrjar klokkan 15 í , og til ÍF-TB/FCS/Royn, sum byrjar klokkan 16. Leif André Eliasen verður heimildarmaður í Fuglafirði, og Rógvi Dam verður heimildarmaður í Streymnesi.
Øll kunnu lurta við á www.midlar.fo, og annars á FM 88,7, FM 95,9 og á FM 98,7.
Eisini ber til at fylgja øllum dystunum á in.fo. Myndir, samanumtøkur og ljóðsamrøður koma út á in.fo aftaná dystarlok.
