Almannamálaráðið skipar nú aftur fyri almennum fundum kring landið, har kunnað verður um arbeiðið at steðga harðskapi í føroyskum familjum.
Á fundunum lýsa serfrøðingar, hvussu harðskapur skaðar okkara nærumhvørvi, og greitt verður frá, hvussu harðskapur best verður steðgaður.
Fundirnir verða hildnir í sambandi við verkætlanina Sig frá.
Mikukvøldið 26. februar klokkan 19.30 verður fundur hildin í Miðhøllini í Vestmanna Skúla, og øll eru hjartaliga vælkomin.
