Aftur í ár skipar Almannamálaráðið fyri almennum fundum, har kunnað verður um arbeiðið at steðga harðskapi í føroyskum familjum. Fundirnir verða hildnir í sambandi við verkætlanina "Sig frá" og eru skipaðir soleiðis, at fyrst greiðir Elin Winther Poulsen, samskipari, frá verkætlanini, og síðani verða tríggir fyrilestrar frá serfrøðingum.
Mikukvøldið 19. februar klokkan 19.30 verður fundur í miðhøllini í skúlanum á Eiði.
Tey, sum standa aftan fyri tiltakið, siga, at høvið verður eisini at seta spurningar og at kjakast um hesi evni.
