Tey, sum vóru á festivali í gjár, upplivdu eitt tað fagrasta summarveðri, sum hevur verið í summar. Í dag er eitt sindur kaldari, men tó turt og fínt føroyskt veður.
G! festivalurin byrjaði í dag longu klokkan 12, tá amerikanskir gospelsangir frá 50unum blivu spældir av Meinhardi Jensen – eisini kendur sum Áðrenn Elvis.
Í kvøld fer ársins høvuðsnavn á pall, amerikonsku Sister Sledge, sum eru kendast fyri heimshittið ”We are Family”.
