Hóskvøldið varð skjøtul settur á Bónus steypakappingina hjá monnum, tá Fleyr og SÍ møttust í havn í dysti, sum stundum var spennandi, tó at SÍ vann 3-0.
Í fyrsta setti tóktist SÍ vera farið avstað við settinum, tá ið teir vóru á odda 18-11. Fleyr kom tó afturíaftur og yvirlivdi fýra settbóltar og javnaði til 24-24, men bara fyri at síggja SÍ vinna næstu tveir bóltarnar og settið 26-24.
Fleyr legði seg á odda 15-11 í øðrum setti, men so kom stígur í, og SÍ vann seks stig á rað og helt seg frammanfyri restina av settinum og vann 25-22.
Í triðja setti gjørdist talan um rættiligan avsmurning, hóast Fleyr var á odda 7-3 og 9-6, men eftir hetta vann Fleyr einans fimm bóltar afturat, og so vann SÍ 25-14.
Mjølnir – Ternan 0-3 (25-15, 25-19, 27-25)
Í gjárkvøldið tók so nýklakti føroyameistarin Mjølnir ímóti Ternuni, sum ongan landskappingardyst vann, og einans vann tvey sett til samans. Í gjár restaði lítið í hjá Ternuni at taka triðja settið, eftir at Ternan hevði yvirlivað seks dystarbóltar og hevði javnað til 24-24. Tað rakk kortini ikki, tí Mjølnir vann 27-25. Hin bæði fyrru settini hevði Mjølnir vunnið 25-15 og 25-19 uttan himpr.
Í dag kl. 13 spæla menninir hjá Fleyr og ÍF í Havn.
Øll liðini spæla eina ferð ímóti hvørjum øðrum, og fýra tey fremstu spæla hálvfinalur á Giljanesi leygardagin 19. apríl, har nr. 1 spælir ímóti nr. 4, og nr. 2 spælir ímóti nr. 3.
Finalan verður í Sandoynni leygardagin 26. apríl.
--------
Í Bónuskappingini hjá kvinnum spæla SÍ og TB kl. 16 í dag í Sørvági.
