Tá ið Spot Festivalurin verður hildin í Aarhus í Danmark dagarnar frá 6. til 7. mai verða tvey føroysk nøvn á plakatini.
Í dag hevur Spot boðað frá, at føroyski punkbólkurin Joe & The Shitboys skulu spæla á festivalinum, og frammanundan er kunngjørt, at Brimheim eisini skal vera við.
Spot Festivalurin er serliga ætlað nýggjari tónleikanøvnum, og fleiri føroyskir bólkar hava gjøgnum árini spælt á festivalinum.
