Eftir nøkrum fáum ættarliðum eru nógv fólk Qatar farin frá at verða eitt land við fátækum perlufiksarum til at verða eitt av heimsins ríkastu londum. Orsøkin eru ovurhonds stór gassfelt í landinum.
Og har ov mikið av pengum er, eru eisini fólk, sum hava hug at brúka nógvar pengar. Ein teirra er 30 ára gamla Sheikha al-Mayassa Al-Thani, sum verður roknað sum listadrotning í Qatar.
Hon brúkar á hvørjum ári fleiri milliardir krónur upp á list, og hon hevur í grundini endavent altjóða listaumhvørvinum. Sheika hevur seinastu árini keypt einstøk verk fyri upp í 1,4 milliard krónur – tað lat hon fyri málningin “Kortspælararnir” hjá Paul Cézanne.
Tað verður sagt, at Sheikha á hvørjum ári brúkar eina milliard krónur til at keypa list fyri – tað svarar til á leið hálva sættu milliard krónur.
Sheikha, sum er gift og eigur trý børn, læst politisk vísindi og list á Duke University í USA, og seinni læs hon víðari á Columbia Univeristy. Henni dámar væl at mála og hevur ein gløðandi áhuga fyri altjóða – eisini vesturlendskari – list.
Kanska skuldi onkur víst henni fuglarnar hjá Tróndi Patursson.
