Manchester United hevur í dag spælt fyrsta dystin undir leiðslu av nýggja venjaranum, José Mourinho. Dysturin var ein venjingardystur móti Wigan sum Manchester United vann 2-0, eftir at hálvleiksstøðan hevði verið 0-0.
William Keane og Andreas Pereira skutu málini fyri Manchester United í sigrinum.
Á liðnum hjá Manchester United í dag vóru tvey av nýinnkeypunum inni á vøllinum. Teir vóru verjuleikarin Eric Bailly og álopssinnaði miðvallarin, Henrikh Mkhitaryan, og sum heild gekk væl hjá teimum báðum.
Hitt innkeypið, Zlatan Ibrahimovic, er ikki byrjaður at venja við nýggju liðfeløgunum úr Manchester United enn.
Tá Premier League byrjar aftur, um eitt sindur minni enn ein mánað, skal Manchester United í fyrsta dystinum møta Bournemouth á útivølli.
