- Við uppskotinum hjá landsstýrinumum um at hækka skattafríu veitingarnar, verður ein hond rætt ítróttafeløgunum, so tey betur verða før fyri at lata eldsálunum eina samsýning fyri virksemi teirra.
Tað sigur Petur Elias Petersen, forseti í Ítróttarsambandi Føroya.
Landsstýrið hevur lagt uppskot fyri løgtingið um, at skattafríaa upphæddin, sum ítróttarfeløg kunnu lata leiðarum og øðrum, verður hækkað.
- Ítróttasamband Føroya hevur støðugt víst á stóra týdningin, sum ítróttararbeiðið í øllum býum og bygdum í Føroyum hevur fyri heilsu, sosialan trivnað og lokalan samleika eins væl og tjóðarsamleikan og brandingina hjá Føroyum. Handan hetta arbeiðið standa hundraðtal av kvinnum og monnum, sum nýta stóran part av frítíðini til at geva børnum og ungum, umframt úrvalsítróttafólki, tað, ið tey hava tørv á fyri at gerast so góð, sum tey kunnu gerast, innan sín ítrótt.
- Við uppskotinum, sum løgtingið nú viðgerð, koma vit enn eitt stig á leiðina at betra um karmarnar hjá ítróttinum, og tað eru vit í Ítróttasambandinum takksom fyri, sigur Petur Elias Petersen.
