10 prosent vónar SEV at fáa fólk at brúka minni í streymi við nýggja og umfatandi Brúka minni-elspariátaki sínum, sum fer av barkastokki í dag.
Hetta verður gjørt við blað- og ljóðlýsingum í fjølmiðlum, bussum, SEV-bilum og aðrastaðni í almenna rúminum.
Leiðslan í SEV kunnaði um átakið í morgun.
Spariátakið er fyrst og fremst vent ímóti húsarhaldunum, men eisini vinnulívinum, í eini roynd "at fáa føroyingin meiri tilvitaðan um elorkunýtslu", sum nevndin í SEV málbar seg, tá hon boðaði frá hesi ætlanini í november í fjør.
