Tað var brádliga í seinna hálvleiki, at heimaliðið fór til stroks. Neistin var á odda við trimum málum miðskeiðis í seinna umfarinum, men vann við heili 11 málum.
Tað var serliga í verjupartinum, at heimaliðið ansaði væl eftir hesa løtuna. Gestirnir úr Vági spældu seg sjáldan ígjøgnum seinastu løtuna, og tá Neistin fekk gott pláss í álopsspælinum, kundi valla ganga øðrvísi.
Brauer útvíst
Barbara Brauer hevur verið stóra stjørnan hjá Neistanum í hesum kappingarárinum. Hon hevur verið sera sannførandi í álopsspælinum og verjuspælinum hjá høvuðsstaðarliðnum seinastu mánaðirnar
Hon varð útvíst, tá seinni hálvleikur var sjey minuttir gamal. Hon var ov harðliga í verjustøðu, og dómararnir vístu henni av vøllinum.
Tað tóktist sum, at fráveran hjá Brauer setti ferð á hinar. Í øllum førum tóku neistakvinnurnar ábyrgd og runnu undan gestunum. Stríðsviljin var framúr seinastu løtuna.
Tað riggaði serliga væl seinastu løtuna. Neistin var á odda við trimum málum, men vann við ellivu málum.
Orsøkin var serliga sannførandi verjuspælið hjá heimaliðnum, men VB hevði heldur ikki neyðuga tolið og framdi hinvegin fleiri óneyðug mistøk.
