Tað verður grannauppgerð við Løkin í Runavík, sum fer at seta punktum fyri 19. leikumfar í Vodafonedeildini.
Fyrsta bríkslið verður klokkan 15, og 23. maðurin á vøllinum verður Lars Múller.
Í summar hevur tað ikki gingið meiri enn passaligt hjá grannunum á eystara armi á Skálafjørðinum.
NSÍ er framvegis á fjórða plássi, og B68 er eftir dystirnar í gjár á sjeynda plássi. Toftamenn hava í dag møguleika at lyfta seg framum aftur bæði KÍ og HB, og hjá NSÍ fer full úrtøka at bera við sær, at 4. plássið ikki verður hótt.
Tá ið toftamenn í 3. umfari vitjaðu innanfyri var talan um tætta uppgerð, sum heimaliðið vann 1-0. Tá ið NSÍ vitjaði á Svangaskarði endaði tað 1-1 í vánaligum líkindum.
Tað er turt og rættuliga frískur høgættarvindur, men forsøgnirnar siga, at hann fer at minka seinnapartin.
Støðan
Støðan
B36 46
Víkingur 42
EB/Streymur 38
NSÍ 26
HB 22
KÍ 21
B68 20
07 Vestur 19
ÍF 16
B71 10
EB/Streymur, ÍF, NSÍ og B68 hava spælt 18 dystir, og hini liðini hava spælt 19 dystir.
