Tað hevur tikið sína tíð at avgreiða 23. umfar í EFFO deildini, men seinnapartin verður punktum sett.
NSÍ og Víkingur, sum í gjárkvøldið spældu steypafinalu, spældu 12. august í Gøtu. Tá vann Víkingur 3-1. Hóskvøldið vóru tveir dystir. AB vann 3-1 í Klaksvík, og B36 vann 2-1 á grannunum í HB.
Seinnapartin fara TB og ÍF við Stórá at kappast um, hvat av hesum liðum skal vinna sætta plássið, og við Margáir skal FC Suðuroy stríðast fyri sigrinum, ið fer at bera við sær, at røkka sama stigatalið, sum AB hevur.
Forsøgnin sigur, at tað vera hampuliga góð líkindi at spæla fótbólt seinnapartin.
TB-ÍF: Lars Müller kl. 15.00
EB/Streymur-FC Suðuroy: Alex Troleis kl. 15.00
Støðan
B36 54
NSÍ 46
Víkingur 44
HB 36
KÍ 34
ÍF 24
TB 23
AB 19
FC Suðuroy 16
EB/Streymur 7
ÍF, TB, FC Suðuroy og EB/Streymur hava spælt 22 dystir, og hini liðini hava spælt 23 dystir
