Nú verður kapping útskrivað um at sniðgeva og tekna eina ta størstu íløguna hjá Tórshavnar Býráð yvirhøvur
Á býráðsfundi í dag hevur Tórshavnar Býráð nevniliga samtykt byggiskránna til tann nýggja Skúlan á Fløtum, sum verður størsti barnaskúli í kommununi.
Kappingin skal vera liðug 18. desember og fyrst í januar fer bygginevndin, og Býráðið, at velja besta projektið.
Byggingin verður í trimum byggistigum og fyrsta byggistig verður liðugt í juli 2018, og tá flyta 4. - 6-flokkarnir inn í skúlan.
Annað byggistig er 7. - 9.flokkarnar og tað verður liðugt í juli 2019. Og í juli 2020 verður triðja byggistig liðugt, og tá flyta forskúlin, umframt 1-3. Flokkarnir, og frítíðarskúli, inn í skúlan.
Tilsamans fara 850 børn at ganga í skúlanum, sum kostar 350 milliónir krónur at byggja.
Vit hava meiri um málið seinni
