Serum Instituttið mælir til koronupass

Vegna vaksandi smittu í Danmark og fleiri innleggingar heldur stjórin í Statens Serums Institutt, Henrik Ullum, at tey í Danmark aftur skulu seta í gildi skipan við koronupassi

Koronupass til frisør, matstovu og onnur støð kann aftur blíva gerandiskostur, um tað stendur til Henrik Ullum, sum er stjóri í Statens Serum Intstitut. (Arkivfoto) - Foto: Signe Goldmann/Ritzau Scanpix

Henrik Ullum, stjóri í Statens Serum Institut (SSI) mælir nú til, at skipanin við koronupassi aftur verður sett í gildi í Danmark.

 

Talið av smittaðum og innløgdum við covid-19 í Danmark hevur seinastu vikurnar við vaksandi, og tí kemur Henrik Ullum nú við hesum tilmæli.

 

– Hetta skal síggjast í ljósinum av ógvusliga vaksandi smittu og innleggingartølum, og at vit síggja fram til ein vetur, har vit fara at síggja størri smittu, sigur Henrik Ullum.

 

Søren Brostrøm, sum er stjóri í danska heilsustýrinum, segði í gjár, at sjúkrahúsini eru í álvarsligum vanda fyri at verða kroyst til eitt krittiskt punkt.

 

Brostreøm hevur eisini mælt til, at koronapassið verður sett í gildi aftur

 

Magnus Heunicke, heilsumálaráðharri í Danmark, hevur harumframt biðið farsóttarnevndina um at meta um, hvørt covid-19 aftur skal lýsast sum ein samfelagskritisk sjúka. Bæði Ullum og Brostrøm eru í farsóttarnevndini.

 

Sambært farsóttarlógini snýr tað seg um sjúkur, sum »hava við sær álvarsligt órógv av týdningarmiklum samfelagstænastum«.

 

Verður covid-19 roknað sum tað, fær stjórnin fleiri heimildir til at seta í verk tiltøk ímóti smittuútbreiðslu við epidemilógini.

 

Tað kann vera uttan ein meiriluta í Fólkatinginum. Um ein meiriluti í farsóttarnevndini er ímóti tiltøkum, kunnu tey tó ikki setast í verk.

 

Bæði Henrik Ullum og Søren Brostrøm hava lagt dent á vaksandi smittuna og talið av innleggingum í Danmark.

 

Miðskeiðis í august vóru um 800 til 1000 smittað um dagin. Umleið 100 vóru innløgd við covid-19.

 

Síðani síðst í oktober er hinvegin funnin millum 1400 og 2000 smittað um dagin. Talið av innløgdum var í gjár 246.

 

Talið av innløgdum veksur vanliga eitt sindur seinni, tá talið av smittaðum økist.

 

/ritzau/

 

 

 

Koronupass til frisør, matstovu og onnur støð kann aftur blíva gerandiskostur, um tað stendur til Henrik Ullum, sum er stjóri í Statens Serum Intstitut. (Arkivfoto) - Foto: Signe Goldmann/Ritzau Scanpix