Toppliðið Manchester City styrkti í kvøld um sína støðu við 5-1 heimasigri ímóti Leicester City. Harvið eru tað sekstan stig frá toppinum og aftur til næsta avbjóðaran, sum er Manchester United.
Í morgin skal United royna seg á útivølli ímóti Newcastle. Um tað skal vera nakar hugsningur um hjá teimum reyðu at hava møguleika at fáa grannarnar í City aftur, so er neyðugt, at teir vinna í Newcastle, og at teir vinna hvørja ferð tað, sum er eftir at hesum kappingarárinum.
Stóri maðurin á Manchester City liðnum í kvøld var Sergio Agüero. Í hálvleikinum var 1-1, men so fór argentinski álopsspælarin at gera um seg. Belgiski Kevin De Bruyne var stóri arkitekturin, og Sergio Agüero var skarprættarin. Hann flutti á sumri í 2011 til Manchester City, og í kvøld skoraði hann fýra mál á rað. Hetta var tólvta ferðin, at 29 ára gamli argentinski snillingurin í Manchester City búnanum skoraði hattrikk fyri teir ljósabláu, sum hava beina kós ímóti meistaraheitinum.
1 | Man. City | 27 | 23 | 3 | 1 | 79:20 | 72 |
2 | Man. Utd | 26 | 17 | 5 | 4 | 51:18 | 56 |
3 | Tottenham | 27 | 15 | 7 | 5 | 52:24 | 52 |
4 | Liverpool | 26 | 14 | 9 | 3 | 59:31 | 51 |
5 | Chelsea | 26 | 15 | 5 | 6 | 46:23 | 50 |
6 | Arsenal | 27 | 13 | 6 | 8 | 51:36 | 45 |
7 | Burnley | 27 | 9 | 9 | 9 | 21:24 | 36 |
8 | Leicester | 27 | 9 | 8 | 10 | 39:40 | 35 |
9 | Everton | 27 | 9 | 7 | 11 | 32:46 | 34 |
10 | Bournemouth | 26 | 8 | 7 | 11 | 30:37 | 31 |
11 | Watford | 27 | 8 | 6 | 13 | 37:47 | 30 |
12 | West Ham | 27 | 7 | 9 | 11 | 34:46 | 30 |
13 | Brighton | 27 | 6 | 10 | 11 | 22:36 | 28 |
14 | Crystal Palace | 27 | 6 | 9 | 12 | 25:42 | 27 |
15 | Swansea | 27 | 7 | 6 | 14 | 20:37 | 27 |
16 | Southampton | 26 | 5 | 11 | 10 | 28:38 | 26 |
17 | Newcastle | 26 | 6 | 7 | 13 | 24:36 | 25 |
18 | Stoke | 27 | 6 | 7 | 14 | 27:53 | 25 |
19 | Huddersfield | 26 | 6 | 6 | 14 | 19:46 | 24 |
20 | WBA | 26 | 3 | 11 | 12 | 21:37 | 20 |
Í morgin
Huddersfield – Bournemouth kl. 12.00
Newcastle – Manchester United kl. 14.15
Southampton – Liverpool kl. 16.30
Mánadagin
Chelsea – West Bromwich Albion kl. 20.00
