Í morgin flytur samskiftisfyritøkan Sendistovan bústað. Seinastu árini hevur Sendistovan húsast í gamla Snikkaravirkinum í Grønlandi á horninum Jóannes Paturssonargøta/Grønlandsvegur. Men í morgin letur Sendistovan upp í gomlu hølunum hjá Formula í Stiðjagøtu.
Christian Nagata, sum eigur Sendistovuna, sigur, at fyritøkan nú kann víðka um sítt virksemi.
– Tað vera nógv betri umstøður fyri verkstovupartin hjá Sendistovuni at víðka um framleiðsluna av skeltum við meira. Við nýggju hølunum fær Sendistovan nærum 600 fermetrar at virka í, sigur hann.
Á Sendistovuni starvast út við 20 fólk, sum starvast við grafiska sniðgeving, skelting, stórprent, lýsingum og marknaðarføring, dekorering og on- og offlinesamskifti.
