Tað hoyrir jú ongastaðni heima, at kapitalurin soleiðis keypir sær tíð í almenna kringvarpinum. Hetta undirgrevur trúvirði hjá hesum mentanarstovni – sum longu er á einum skráplani.
Men tað eru jú vit hyggjarar og lurtarar sum við lóg og pantifúta eru tvungin til at gjalda fleiri túsund krónur um árið í kringvarpsskatti, sum eru álitið hjá Kringvarpinum.
Tí eigur Kringvarpið at takka teimum, sum veruliga gjalda, fyri at tey senda. So tá KvF letur handilsmenn soleiðis keypa sær tíð og fáa æruna fyri, at tey í kringvarpinum gera tað arbeiða, tey fáa løn fyri – so áttu tey í veruleikanum at takkað kringvarpsgjaldarunum hvørja ferð, tey senda okkurt úr Sortudíku. Tí eigur boðskapurin at vera hesin:
»Sendingin er stuðlað av lurtarunum«
ella
»Sendingin er fíggjað við kringvarpsskatti«.
