Við 61 atkvøðum fyri og 36 ímóti hevur amerikanska Senatið samtykt ein risastóran hjálparpakka Eftir togan í fleiri dxagar samtykti amerikanska Senatið seint í gjárkvøldi uppskotið hjá stjórnini um ein búskaparligan hjálparpakka.
Í pakkanum eru 827 milliardir dollarar ella 4737 milliardir krónur. Hetta hildu fleiri republikanskir senatorar vera ov nógv, og sambært CNN vísa meiningakanningar, at flestu amerikanarar halda eisini pakkan vera ov stóran.
Senatið fer ætlandi í dag at atkvøða um, hvussu pengarnir í pakkanum skulu brúkast. Barrack Obama, forseti, hevur sagt, at hann ætlar sær at staðfesta lógina seinast tann 16. februar.
