Tað er líkt til, at ríkis- og stjórnarleiðararnir á veðurlagsráðstevnuni í Keypmannahavn kunnu semjast um eina neyðsemjuavtalu. Neyðsemjan ber millum annað í sær, at hitavøksturin á jørðini skal haldast niðan fyri tvey stig, soleiðis sum menningarlondini hava kravt.
Men enn eru allar súður ikki syftar. USA vil hava eftirlit við, at londini halda tað, sum tey hava lovað, men Kina vil ikki geva seg undir nakað eftirlit. Í einari roynd at loysa tann knútin hava Barack Obama, forseti og Wen Jiabao, forsætisráðharri avtalað fund um eina løtu.
Í Keypmannahavn ljóðar, at Obama ætlar sær aftur til USA klokkan sjey í kvøld okkara tíð.
