Tónleikakappingin Sement fer aftur av bakkastokki í kvøld, og verða
bæði triðja undanumfarið og finalan send beinleiðis á Røddini. Góð undirtøka hevur verið fyri tónleikakappingini Sement í ár, og nú stendur endabresturin fyri durunum.
Í kvøld verður triðja undanumfarið í
Perluni, og skal vinnarin finnast leygarkvøldið. Umvegis netvarp.fo verður
Sement sent beinleiðis á Røddini bæði friggjakvøld og leygarkvøld, og er
hetta ein frálíkur møguleiki at fylgja gongdini í tónleikakappingini
heimaifrá.
Byrjað verður at senda kl. 20 á roddin.fo.
-Afturat live streaming verður eisini nógv fjølbroytt og spennandi tilfar frá Sement at finna á Røddini, siga fyrireikararnir í dag.
