Tað verður stórt hondbóltsvikuskifti í høllini á Hálsi í Havn.
Klokkan 14 leygardagin fara kvinnurnar hjá H71 at stríðast fyri at vinna seg í fjórðingsfinaluna í EHF Cup, eftir at tær síðsta vikuskifti vunnu 39 – 38 í Serbia.
Og fríggjakvøldið, leygarkvøldið og sunnudagin verður HM undankapping fyri menn í høllini á Hálsi.
Skráin sær soleiðis út:
|
HM undankapping á Hálsi í Havn |
|
Fríggjadagin 14. januar |
|
Kl. 17.00: Lettland - Italia |
|
Kl. 19.30: Luksemburg - Føroyar |
|
Leygardagin 15. januar |
|
Kl. 17.00: Lettland - Luksemburg |
|
Kl. 19.30: Italia - Føroyar |
|
Sunnudagin 16. januar |
|
Kl. 15.30: Italia - Luksemburg |
|
Kl. 18.00: Føroyar - Lettland |
Undan jólum seldi Hondbólssamband Føroya 400 atgongumerki í forsølu.
Í kvøld boðar HSF frá, at tað orsakað av koronuni ikki verða seld fleiri atgongumerki.
HSF skrivar soleiðis:
Talan verður um eitt avmarkað tal av áskoðarum, sum sleppa til HM-undandystirnar hjá Føroyum komandi vikuskiftið. Avmarkaða talið av atgongumerkjum, sum vóru sett til sølu tíðliga í desember, eru útseld.
Vegna koronaavmarkingar verða ikki fleiri atgongumerki seld, skrivar HSF í kvøld.
