Frá 8. til 17. oktober fer føroyska U19-landsliðið við dreingjum til innleiðandi EM-undankapping í Írlandi. Umframt Føroyar og Írland, vera Holland og Bosnia-Hersigovina eisini við í kappingini.
Jógvan Martin Olsen er venjari hjá U19-dreingjum, og av teimum 18, ið hava fingið landsliðboð, eru seks, ið hava sína dagligu gongd í útlendskum feløgum.
Fyrr í hesum mánaðinum var U19-landsliðið við dreingjum til mini-kapping í Lettlandi, har Ukraina og Makedónia eisini tóku lut. Og hóast talan gjørdist um trý tap, so er nógv, ið kann takast við til innleiðandi EM-undankappingina, sum verður í oktober
- Hendan kappingin gav okkum møguleikan at samla spælararnar, so teir kunnu læra hvønn annan betur at kenna. Tað er eisini ein avbjóðing at skipa fyri venjingum, so tær passa til heimaligu kappingina, tí venjingarnar í feløgunum og dystarskráin er tøtt, sigur Jógvan Martin Olsen, U19-landsliðsvenjari.
Hópurin
Bjarti Vitalis Mørk, HB
Stefan Radosavljevic, TB/FCS/Royn
Bárður á Reynatrøð, Víkingur
Sølvi Sigvardsen, NSÍ
Sjúrður Pauli Nielsen, NSÍ
Óli Eyðsteinsson Poulsen, KÍ
Jonn Johannessen, KÍ
Magnus Holm Jacobsen, FCFP (POR)
Dann Fróðason, 07 Vestur
Steffan Løkin, NSÍ
Filip í Liða, AB
Bartal S. Petersen, AB
Andrias Edmundsson, Sunderland (ENG)
Lukas Grenaa Giessing, FC Midtjylland (DEN)
Hanus Sørensen, FC Midtjylland (DEN)
Símun Sólheim, HB
Elias El Moustage, Thisted FC (DEN)
Victor Emil Boje Henriksen, Hvidovre (DEN)
Skráin
10. okt. Holland – Føroyar (Eamonn Deacy Park)
13. okt. Írland – Føroyar (City Calling Stadium)
16. okt. Føroyar – Bosnia-Hersigovina (Eamonn Deacy Park)
